اختى الكبيره اتجوزت وهى صغيره جدا راجل اكبر منها وكان بيحبها اوى اوى ولما ابونا مات اخدنا ربانا عنده وكبرنا وجميله على دماغنا واعتبرنا انوالفضل فضله هو وهى ما قدمت لنا اى حاجه لحد ما حصلت مشكله بينها وبينه ونصرناه عليها والكلام اتطور بيننا وقالت انا شلتكم فى بيتى وفى الاخر دى جزاتى قلنا لها ده بيت جوزك قالت اه بيته بس انا اللى باخدم وانا اللى بيتاخد من ماله اللى انا احق به لكم وانا اللى شلت منه
قرف وما فتحتش بقى لانه قابل تكونوا ببيته يعنى دفعت التمن غالى من رزقى وصحتى وراحه بالى وحياتى اللى بقت ما فيهاش اى خصوصيه واللى خلتنى اقبل اوضاع كتير غلط منه وتصرفات غلط فى حقى واسكت عشان انتوا موجودين الغريب بقى ان اختى دى جوزها بيموت فيها رغم انه من وراها بيتكلم معنا عليها وحش وان طبعها صعب بس قدامها يبوسها ويحضنها ومغرقها هدايا وفلوس حتى اجوازنا بيحبوها جدا واخواتى الصبيان واى راجل يشوفها يحبها حتى لو ما فتحت بقها مع ان شكلها عادى وسنها حاليا ٥٠ سنه واحنا ٤٥ واحلى واشيك منها جوزها اتوفى وكان كاتب باسمها بلاوى وزعلت منا ان مش واقفين جنبها قلنا لها وهو انت محتاجانا فى ايه عندك مال وعيال واحنا بصراحه شايفين انها واخده حقها تالت ومتلت هتعمل ايه يعنى بسؤالنا عنها العجيب بقى انها اتجوزت تانى من سنه راجل اغنى من ابو عيالها ونفس القصه منغنغها ومدلعها عل الاخر اولا هى ما بتشتغلش وعمرها ما اشتغلت واحنا من صغرنا طفحانين الدم وازواجنا مش زى اى حد من اللى اتجوزتهم ولابيعاملونا زى اجوازها ما بيعاملوها هى فيها ايه زياده بجد والرجاله بتحب فيها ايه يخليهم يبقوا تحت رجليها كده انا لا بحسدها ولا حاجه انا بس عاوزه افهم فيها ايه يخلى الكل يسكت اما تطل ويسمعها اما تتكلم مع انها عامله زى الرجاله فى كلامها وكلامها ناشف ودوغرى بجليطه, Society Problems
يناير 12, 2024
-
النهارده بس
مشاكل عائليه
- كتبو Society Problems
