فى واحد متقدملي فى اول مقابلة قلتله اني بشتغل و حكيتله كل ظروفي و هو قاللي انه معندوش مشكلة فى شغلي و ان هو عنده شقته و انه هيعملي فرح صغنن كده وانا معترضتش كان بالنسباللي ده تمام و بعدها فى ظل الدردشة على التليفون بعد المقابلة بيقولي هو انتى بتقبضى كام ؟ و لما اتنقلتى مرتبك زاد ؟ قاللي اصل انتى دلوقتى هتشتغلى وانا مش محتاجك تشتغلى بس بما ان الشغل مهم بالنسبالك فانتى هتدينى مرتبك علشان مرتبك ده مقابل الوقت اللى هتاخديه منى و تديه للشغل..اه والله قاللي كده و قاللي انا شقتى دوبلكس وانا حاسك جسمك ضعيف كده هتقدرى تنضفى و تمسحى و تكنسى و تطبخى مع شغلك ؟ اصل انتى وظيفتك بره البيت حاجة بس انتى الحاجات دى هى وظيفتك جوا البيت هتقدرى على كل ده ؟ و قاللي انا حاسس ان ملوش لازمة الفرح ليه نعمل فرح (بعد ما هو اللى كان طارح الفكرة اصلاً) انا قولت انتى هترفضى الفرح لما قولت بس انتى وافقتى انا بس عايزة افهم هى النطاعة بقت موضة ؟ يعنى هل الموضوع ده دلوقتى بيتاخد انه بقى كده جامد و ذكى و شخصيته قوية ؟ يعنى انت هتاخدنى من بيت اهلى علشان اشتغل عندك خدامة و كمان مش هتصرف عليا لاء ده انت هتاخد مرتبى تصرف منه على نفسك طب هو ده عادي ؟! ولا انا اللي اوفر, Society Problems
يناير 07, 2024
-
النهارده بس
مشاكل الخطوبه
- كتبو Society Problems
