اختي اغتصبها الحقير ابن عمي وبابا وعمي كانوا عاوزين يلموا الموضوع ويجوزوهم و قدام الناس تبان جوازة طبيعية عشان محدش يحس بحاجة واخويا كان رافض ومصر انه يبلغ عنه وقال لو المحكمة معدمتوش هقضي ع روحه انا وبابا يقول وهتستفاد أي غير فضيحة اختك خليهم يتجوزوا والدنيا تتلم وكده كده هو كان عاوزها اخويا اتعصب وعلي صوته وقال يعني اي عاوزها نديهاله مكافأة وهدية يعني لو الجوازة دي تمت يوم فرحه هيبقي يوم جنازته واللي مش هتعمله المحكمة هعمله انا وكان عاوز ياخد اختي ع الكشف الطبي ويعملوا تقرير عشان قبل مايفوت الوقت وميقدروش يثبتوا حاجة بس بابا وقفله فيها واخويا من عصبيته مد ايده عليه وشتمه واخدها غصب بس وقتها ماما اغمي عليها من الموقف لان عندها القلب واتهلينا فيها وقتها ومقدرش يروح يعمل التقرير وبابا وقتها استغل الوضع وحبس اختي ومنع اخويا انه ياخدها واخويا حاول مرة يموت ابن عمي بمطوة بس جات سطحية للأسف بصوا أحداث كتير جدا دلوقتي أخويا مقاطعنا او بمعني تاني مقاطع ابويا ومش بيدخل البيت نهائي وبابا لسة مصر ان الجوازة دي تتم واختي بتبكي طول الليل عشان مش عاوزة الجوازة وعاوزاه يتعاقب وكمان هما حتي مش ناويين ع جواز وبعدها طلاق لا هما ناويين ع جوازة طبيعية وتقعد طول عمرها مع المجرم ده بابا كل اللي هامه سمعته وازاي يلم الموضوع من غير ماحد يعرف انا بقيت بكره ابويا اكتر من المجرم ذات نفسه وشايفة انه هو اول واحد يستحق الإعدام اصلا, Society Problems
نوفمبر 10, 2023
-
النهارده بس
مشاكل عائليه
- كتبو Society Problems
