مشكلتي يابنات اني مكنتش محجبة لحد قبل خطوبتي ولما اتخطبت خطيبي اللي هو زوجي حاليا قاللي لازم تلبسي الطرحة وتتحجبي وانا مكنتش عايزة بس برضو بابا وماما حكموا عليا وقتها اعمل كده وفعلا عملت كده واتحجبت .أنا حاليا جوزي مسافر الخليج من 7 شهور وفعلا حرفيا مش طايقة الطرحة علي راسي وعايزة اقلع الحجاب وارجع تاني زي الاول لان شكلي بشعري احلي بكتير وان شاء الله لما اكون مقتنعة هلبسه بس مش دلوقتي . المهم جيت كلمته فيديو وقلتله عاللي نفسي فيه قعد يقوللي حرام وحجات كتير وأنه مش هينفع ومهما احاول أكلمه مش موافق خالص ومن يومين بالظبط كلمته تاني لقيته حلف عليا بالطلاق اني احلق شعري بالموس قرعة خالص عشان أنسي موضوع اني اطلع بشعري تاني . واتصل علي ماما وكلمها وقال لها بنتك تحلق شعرها خالص وإلا كل اللي بيننا انتهي وأنه حالف عليا بالطلاق لو منفذتش كلامه أكون مطلقة . وماما حاولت تراضيه وتقول له بلاش تعمل كده وللاسف هو مصمم علي كلامه . وللأسف لقيت ماما بتقوللي انتي اللي وصلتي نفسك لكده واستحملي عقابه عشان بيتك ميتخربش . اتصرف ازاي ياجماعة أنا تعبانة من يومها ومش قادرة اخد قرار, Society Problems
نوفمبر 02, 2023
-
النهارده بس
مشاكل الخطوبه
- كتبو Society Problems
