بصي انا ف كارثه حرفيا انا مش عارفه بكتب ازاي اساسا بصي انا كنت مرتبطه بواحد حلو اوي الصراحه اتعرفنا سوشيال عادي جدا بعدها فضلنا ٣ شهور كدا نتكلم وقررنا نتقابل عادي كان ف الخروجه عادي جدا ولطيف معايا بعدها بأسبوع قالي انه بيحبني وانا الصراحه كنت بحبه بس قلتله افكر وكدا ورديت بعد يومين قلتله وانا كمان بحبك وكدا المهم العلاقه مثاليه بطريقه غريبه هو قالي انا مرتاح معاكي وكدا وهاجي اتقدم الكلام ده بعد المقابله ب ٦ شهور هو وقت كافي فعلا نعرف بعض وكدا علي ما جهزنا تحضيرات الخطوبه وكدا كان شهر وبردو كان لطيف اوي معايا وفعلا الخطوبه حصلت وبردو كويس معايا عادي واتعزمنا مرتين عندهم ناس كويسه وهاديين اوي بجد في يوم كدا برن لقيت موبايله مقفول وببعت مش بيرد رنيت علي مامته ردت عادي قالتلي يا حببتي ده بايت عند صاحبه ونسي الموبايل بس هو كويس يعني نمت وصحيت بردو موبايله مقفول طول اليوم الاكونت بتاعه اختفي فيس وانستجرام وكله حتي الشات بينا مش موجود والواتس نفس النظام قلت يمكن في هكر ولا ايه صحيت تاني يوم قلت اروح البيت عندهم افهم في ايه لقيت البواب بيسأل انا طالعه لمين قلتله طالعه الدور الرابع لمامة كريم وكدا قالي مامة كريم مين الشقه دي بقالها ييجي ٩ سنين مقفوله عشان صاحبها مسافر رحت الشغل بردو مفيش حد بالاسم ده طب ادور ع صورنا مش موجوده اصلا ع الموبايل وهنا كنت جمعت بقي انا حقيقي مش عارفه اعمل ايه لا عارفه انام ولا انزل ولا ارد ع حد حياتي وقفت بجد, Society Problems
سبتمبر 20, 2023
-
النهارده بس
مشاكل الخطوبه
- كتبو Society Problems
