انا بحب راجل متزوج و عنده طفلين بقالنا سنة و شوية .. لما عرفتو و حبينا بعض مكنش قايلي انو متزوج .. بس بعد شهر من حبنا اعترفلي انو متزوج و كان خايف يقولي من الاول لان مكنش متاكد من مشاعرو معايا .. هو عايش مع الطفلين و مع ٣ عمات هما اللي ربوه و بيربو اطفاله .. عماتو اجبروه على الجواز من مراتو عشان كانو خايفين عليه فا اتجوزها و هما كانو صغار كان هو عمرو ١٨ سنة و من يوم متجوزو و هما علطول خناقات و لسانها طويل معاه ومش تحترمو و دايما سايبالو البيت و قاعدة عند اهلها يا هو طاردها يا هي سيباه .. و انا لما عرفتو مكانتش هي عايشة معاهم في البيت ولا جتله طول السنة .. عايز ينفصل عنها بأي شكل بس مستخسر يديها مؤخرها و فنفس الوقت عماتو متعلقين باطفالو الي مربيينهم ..عماتو عارفيني و كانو بيكلموني عالكاميرا طول السنة و شاهدين اننا بنحب بعض و كانو قابلين بيا طول الوقت لاني كنت السبب في تغيير حالة الراجل دا بنسبة كبيرة .. انا اللي عيشتو معنى الحب و الاهتمام اللي كان فاقدهم من مراتو و انا اللي خليت بقا له نفس على حجات كتير مكنش بيعملها زمان و فضلنا سنة كاملة عالوضع دا .. هما عايشين برا فا هو نزل مصر عشان يتعرف عليا اكتر لحد ما حبينا بعض اكتر .. فا مراتو قررت ترجع البيت لما حست الوضع بينا تطور و هو مش طايقها ابدا و كل شوية يهينها و عايز يطردها مش بترضى تمشي .. تقعد بس تعيط و تشتكي لعماتو و تدعي علياو انا مليش علاقه بيها.. انا بيا من غيري جوزها مش عايزها .. دول اتجوزو بعض و هما مراهقين و حرقو نفسهم لبعض في وقت مكانوش فيه لسا ناضجين للجواز وكترة المشاكل بينهم خلته هو يكرها .. الي انا متاكدة منو انو بيحبني جدا و عاوز ينفصل عنها عماتو مش عايزينو يطلق لان خايفين منها تاخد حضانة الاطفال. انا بصراحة مش عارفة اتعامل مع الوضع ازاي صعبان عليا اطفال تتربى في وسط اب و ام بالشكل دا .. مراتو بتحبو موت و تترجاني ابعد عنو وهو بيكرها موت لان اذتو كتير من ساعت متجوزو .. هو مبقاش قادر معاها و هي مش قادرة منغيرو.
انا مش حقدر ابعد عنو .. لان انا حبيتو بجد .. بس ازاي عماتو يقبلو على نفسهم الراجل يعيش تعيس طول عمرو مع وحدة طلعت عينو بس لمجرد انهم خايفين لا امهم تاخد حضانة الطفلين .. و الراجل ذنبو ايه و الاطفال نفسهم نفسيتهم هتبقا ايه .. عماتو بيقولو له انت لو طلقتها ابقا شوف مين فينا هتيجي معاك عشان تخطب حبيبتك .. !! اعمل ايه, Society Problems
مارس 27, 2023
-
النهارده بس
مشاكل حب
- كتبو Society Problems
